رزگارکرانی چەند ناوچەیەکی دیکەی موسڵی ئێراق لە چنگ تیرۆریستانی داعش
یەک لە فەرماندەرانی پۆلیسی ئێراق هەواڵی کوژرانی دەیان کەس لە تیرۆریستانی داعش و کۆنترۆڵ کردنەوەی ناوچەگەلێکی دیکە لە موسڵ لەباکوری ئێراقی لەچنگ ئەو گرووپە ڕاگەیاند.
بەپێی ڕاپۆری ماڵپەڕی رووسیا ئەلیەوم؛ رائید شاکر جەودەت فەرماندەری پۆلیسی فێدراڵی ئێراق رۆژی هەینی لەبەیاننامەیەکدا ڕایگەیاند؛ هێزە ئێراقییەکان لە میحوەری باکوری ڕۆژاوای موسڵ، سێ ئاوایی دیکەیان لەچنگ تیرۆریستانی داعش ڕزگار کرد.
بەپێی ئەو ڕاپۆرە، هێزە ئێراقییەکان بیست و سی تیرۆریستیان لەو ئۆپراسیۆنەدا کوشت.
شاکر جەودەت هەروەها وتی: هێزە ئێراقییەکان لەناوچەی زەنجبیلی لەباشووری ڕۆژاوای موسڵیش یەک لە سەرکردەکانی داعش لەگەڵ پاسەوانەکانی کوشت.
ئۆپراسیۆنی کۆنترۆڵ کردنەوەی موسڵ، ناوەندی پارێزگای نەینەوا لەدەست داعش، لە ئۆکتۆبری٢٠١٦وە بەفەرمانی حەیدەر عەبادی سەرۆک وەزیرانی ئێراق دەسپێکرا.
ئێستا زیاتر لە سەتا هەشتای ڕۆژاوای موسڵ لەدەست داعش ڕزگارکراوە
