16 bîrên petrolê yên li Mûsilê ku DAIŞê agir berdabû wan hatin tefandin

Hat ragihandin ku ji 25 bîrên petrolê yên li bajarokê Kayyara ya Mûsilê ku rêxistina terorîst a DAIŞê agir berdabû wan 16 jê hatin tefandin.

Berdevkê Wezareta Petrol a Iraqê Asim Cihad di daxuyaniya xwe ya nivîskî de ragihand ku bîrên petrolê yên li herêma Kayyara ya Mûsilê bi xebatên karmendên teknîkî yên Şirketa Petrol a Bakur, endezyar û yekîneyên parastina sivîl têne tefandin. Di encama xebatan de heta niha 16 bîr hatin tefandin û ji bo tefandina agirê bîrên mayîn xebat didome.

Rêxistina terorîst a DAIŞê di hezîrana 2014an de herêma Kayyara û bajarê Mûsilê bidest xistibû. Piştî ku rêxistina terorîst ji herêma Kayyara hat deranîn dema vekişiya hemû bîrên petrolê şewitandin. Tîmen Îdareya Parastina Sivîl û endezyarên Şirketa Petrol a Bakur xebatên tefandina bîrên petrolê didomînin. (BANGÊ ÎSLÂMİ)