Wilayetî: Îran her alîkarîya ku bikaribe dide êzidîyên Iraqê
Serokê navenda lêkolînên stratejîk a civata kifşkirina xêr û kara nizama Îranê, dewlet û pirranîya gelê Iraqê piştgirên êzidîyên vî welatî zanîn û got: Îran alîkarîya ku ji dêstê were dide êzidîyan.
Şêx Semîr nûnerê civata giştî ya êzidîyên Iraqê û hejmarek parlemanterên êzidî û kesayetî û bijareyên êzidî yên vî welatî îro danê êvarê bi Elîekber Wilayetî serokê navenda lêkolînên istiratêjîk a civata kifşkirina xêr û kara nizama Îranê ra li bajarê Têhranê hevdîtin pêk anîn.ç
Wilayetî di vê hevdîtinê da bal kişand ser zilmên ku koma têrorîst a DAIŞ`ê li êzidîyên Iraqê kirine û got: Niha êzidî anegorî berê li bara pêşeroja Iraqê û çarenûsa xwe hêvîdartir in.
Wilayetî herwiha got: Dewleta Iraqê pişta êzidîyan wekî beşeke gelê vî welatî digire û ferq û cidatîyê naxe navbera gel û êzidîyan.
Serokê navenda lêkolînên istiratêjîk a civata kifşkirina xêr û kara nizama Îranê herwiha dîyar kir ku êzidîyan hevkarîyeke baş ligel hêzên Heşdi Şeibî hene û got: Îran di warê parastina yekperçetîya Iraqê da, girtina pêşîya perçebûnê û piştgirîya ji yekperçetîya axa vî welatî cidî ye.
Parlemanterên êzidî, kesayetî û bijareyên êzidî yên Iraqê jî di vê hevdîtinê da bal kişandin ser kuştina hovane ya êzidîyên Iraqê bi destê têrorîstên DAIŞ`ê, revandina 6 hezar jin û keç û kalemêrên êzidî û istifadeya narewa ya cinsî ji keçikên êzidî yên Iraqê.
Parlemanterên êzidî, kesayetî û bijareyên êzidî ji Komara Islamî ya Îranê xwestin ku bi saya peywendîyên baş ên ligel alîyên sîyasî yên iraqî, bi merema lezgînkirina azadkirina êzidîyên hatine revandinê, alîkarîyê bide. (BANGÊ ÎSLÂMİ)
