Serketina hêzên iraqî li rojavaya Mûsilê
Li dewama opêrasyona azadkirina Mûsilê, hêzên iraqî karîn ku di çarçova serketineke din da, kontrola perravê rojavaya çemê Diclê bêxin destê xwe.
Li gorî rapora ajansa nûçan a IRNA`yê, Evdilemîr Yarulah fermandarê opêrasyona Nêynewayê duh danê êvarê ragihand ku hêzên iraqî karîn gundên Cemase û Hemîdatê li derdora bakûra bajarê Mûsilê azad bikin û perrava rojavaya Diclê jî bêxin bin kontrola xwe.
Fermandarê opêrasyona Nêynewayê herwiha got: Hêzên iraqî herwiha karîn hejmareke din a taxên Mûsilê ji wan taxên Nebî Şêyt, Hey, Amil-1û 2 û Ekîdatê li beşa rojavaya şarê Mûsilê ji lepên têrorîstên DAIŞ`ê azad bikin.
Yarulah herwiha got: Beşa 9 a zêrêhî ya artêşa Iraqê ligel komeke hêzên Heşdi Şeibî başûra beşa Badoş li rojavaya Mûsilê azad kirin.
Beşa Badoşê li bakûra şarê Mûsilê, deverek e ku girtîgeha navdar a wê yek ji cihên kuştina komk ya zîndanîyên iraqî di Hezîrana sala 2014`an da bi destê têrorîstên DAIŞ`ê bûye.
DAIŞ`ê hemî girtîyên di wê zîndanê da, şîe, kurd, êzidî û Şebek hemî di rojekê da kuştin.
Ji hêla din va, bi sedan malbatên iraqî karîn bi alîkarîya hêzên iraqî ji xetên pevçûnê li Mûsilê rizgar bibin û bo deverên hêmin bên veguhestin.
Hêzên hevpar ên iraqî ji destpêka opêrasyona azadkirina beşa rojavaya Mûsilê, ji 19`ê Sibata îsal heta niha karîne dever û gundên curbicur li vê navçê bêxin bin kontrola xwe. (BANGÊ ÎSLÂMİ)
