Baregehên DAIŞ`ê li Dêyrezora Sûriyê hatin bombarankirin
Firokeyên Şêrr ên Artêşa Sûriyê baregehên têrorîstên DAIŞ`ê li Dêyrezorê li rojhilata vî welatî dane ber bomban.
Li gorî rapora IRIB News`ê, çavkaniyên nûçeyan ên Sûrî roja Duşemiyê ragihandin ku li êrîşa Firokeyên Şêrr ên Artêşa Sûriyê li Dêyrezorê, xisar û ziyanên giran ên malî û canî li çeteyên koma têrorîst a DAIŞ`ê û çend baregehên wan ketin.
Opêrasiyona Firokeyên Şêrr ên Artêşa Sûriyê li aliyê Dêyrezorê bû sebeb ku amor û alavên seretayî yên Palîngeha nifta DAIŞ`ê bê rûxandin.
DAIŞ`ê ev nifta ji bîrên niftê yên Badiye Buqrûsê li dorhêla rojhilatî ya Dêyrezorê didizî.
Rayedarên herêmî li Dêyrezorê jî ragihandin ku gelê Dêyrezorê li dijî çeteyên DAIŞ`ê serî hildane û ciwanên vê deverê navenda mêdyayî ya DAIŞ`ê li gundê Hetleyê şewitandin.
Çend kes ji serçeteyên DAIŞ`ê ji vê deverê revîne.
Li vî halî, hêzên çekdar ên Sûriyê çend navçe li çar kîlomitriya bakurê meydana niftî ya El Hîlê li derdora Tedmurê azad kirin û hejmareke çeteyên DAIŞ`ê kuştin.
