Emîr Abdullahiyan: Êrîşên tolhildanê yên Îranê tenê navendên leşkerî yên Îsraîlê kirin armanc

Wezîrê Derve yê Îranê Husên Amir-Abdollahian dibêje ku êrîşên tolhildanê yên Komara Îslamî ya Îranê li ser deverên bin destê Îsraîlê “sînor” bûn û di operasyonê de ti cîhên ne leşkerî nehatin armanckirin.

Feyleqê Pasdarên Înqilaba Îslamî ya Îranê (Pasdaran) derengîya roja Şemîyê Îsraîl bi bermîleke bêfirokevan û mûşekan wek bersivdana êrîşa kujêr ya rejîmê bo ser beşa konsulxaneya Îranê li Şamê di 1ê Nîsanê de, kir armanc.

Êrîşa tolhildanê ya bi navê Operasyona Soza Rast, ziyan gihandiye bingehên leşkerî yên Israîlî li seranserî deverên dagîrkirî, lê hêj asta wê nehatiye diyarkirin.

Di vê operasyonê de hêzên çekdar ên Komara Îslamî ya Îranê bi hesapên rast û bi bikaranîna firokeyên bêfirokevan û mûşekên rêberî, navenda leşkerî ya ku firokeyên F-35 ên Rêjîma Siyonîst li wê derê êrişî avahiya Balyozxaneya Îranê li Şamê kirin, kirin armanc. Amir-Abdollahian roja Yekşemê li Tehrana paytext di civînekê de li gel balyozên welatên biyanî got.

Dîplomatê payebilind ê Îranê bal kişand ser wê yekê ku rêveberiya Amerîkayê ji êrîşên li ser Îsraîlê hatiye agahdarkirin û armanca tolhildanê cezakirina dewleta dagirker e.

Amir-Abdollahian got: “Me vê sibê zû ji Qesra Spî re peyamek şand û diyar kir ku ev operasyonek sînordar e bi hêza herî kêm tenê ji bo bidestxistina mafên me yên parastina rewa û ji bo cezakirina rejîma Îsraîlê.”

Wî her wiha got: “Sînordarbûna di berevaniya rewa û cezakirina Rejîma Siyonîst tê wê wateyê ku me di bersiva xwe de ti armanceke sivîl diyar nekiriye.”

“Hêzên me yên çekdar ti cihek aborî û nifûsî hedef negirtine, her wiha di êrîşa ser baregeha leşkerî ya ku navenda operasyona Rejîma Siyonîst li dijî balyozxaneya Komara Îslamî ya Îranê li Şamê ye jî, tedbîrên pêwîst ji bo rûbirûbûn û bersivdayînê hat kirin. Rejîma Siyonîst.”

Wezîrê karên derve yê Îranê her wiha bal kişand ser vê yekê ku Komara Islamî ya Îranê tu carî li navçê negere û li hemberî cinayetên Israîlê li Zîvala Xezeyê ya dorpêçkirî, di heyama 6 mehên derbasbûyî de xweragiriyê nîşan daye.

‘Îran ji parastina berjewendiyên xwe dudilî nabe’

Amir-Abdollahian di parvekirina xwe ya li ser hesabê xwe yê medyaya civakî X de got ku Îran alîgirê aştiya navçeyî û navneteweyî ye lê ji bo parastina berjewendiyên xwe yên rewa li hember her cure kiryarên destdirêjiyê dudil nabe.

Wî di twîtekê de bi zimanê Farisî nivîsî: “Bikaranîna mafê berevaniya rewa nîşana nêzîkbûna berpirsane ya Îranê li aştî û ewlehiya navçeyî û navneteweyî ye”.

Di vê demê de, Komara Îslamî ya Îranê ti niyeta berdewamiya operasyonên berevaniyê tine, lê eger pêwîst bike, ji bo parastina berjewendiyên xwe yên rewa li hember her destdirêjiyeke nû, dudilî nabe.

Di êrîşa Îsraîlî bo ser navendên dîplomatîk ên Îranê li Sûriyê, lîwa Mihemed Riza Zahedî, Fermandarê Hêza Quds a Supaya Pasdaran, Cîgirê wî General Mihemed Hadî Hacî Rehîmî û 5 efserên pê re şehîd bûn.

Êrîşa terorîstî bi tundî ji alîyê rêberên siyasî û leşkerî yên Îranî ve hat şermezarkirin, ku soza “tolhildana teqez” dan.

Rêberê Înqilaba Îslamî Ayetullah Seyîd Elî Xamineyî roja Çarşemê li Tehranê piştî nimêja Cejna Remezanê got ku rejîma Israîlî ji ber êrîşa kujer a li ser baregehên dîplomatîk ên Îranê “divê were cezakirin û dê were cezakirin”.

Civaka navdewletî jî êrişa Israîlê bo ser konsulxaneya Îranê li navçeya Mezê ya Şamê şermezar kir.