Sefera Iraqçî bo Urdinê: Dîplomasiya çalak a Îranê ji bo istiqrara li navçê
Wezîrê karên derve yê Komara Îslamiya Îranê ku di demekê da ku welatên navçê bêtevger in, berpirsyariya sekinîna li hember êrişên Rejîma Siyonîst daye ser milê xwe, di sefer û şêwirîna xwe ya heftan da ber bi Urdinê li rex Erdên Dagirkirî ve çû.
Ebas Iraqçî di dewama seferên xwe yên navçeyî da û ji bo hevdîtin û gotûbêja li gel rayedarên payebilind ên urdinê, bi pêşwaziya fermî ya rayedarên vî welatî derbasî Emanê bû. Eva heftemîn welat e ku wezîrê karên derve yê Îranê di çarçoveya dewama hewldanên dîplomatîk ên Îranê bona sekinandina şerrê li Xezze û Libnanê, seredana wir dike.
Berî nika wezîrê karên derve yê Îranê hema di vê çarçoveyê da seredana Libnan, Sûriye, Erebistan, Qeter, Iraq û Umanê kiribû û şêwirînên taybet cih anîbûn. Wî piştî Urdinê wê seredana Misr û Tirkiyê jî bike. Dewra nû ya seferên navçeyî yên wezîrê karên derve yê Îranê bo paytextên welatên Ereb û îslamî yên navçê di rewşa aloz a navçê da, dîplomasiya bêrawestan a Têhranê nîşan dide ku li gel piştewaniya pêşîlêgir a leşkerî ji bo bersivdayîna qahêmtir a Îranê li hember her êrişeka muhtemel a Têlavîvê, piştî operasiyona Wadeya Sadiq a 2`ê pêk hatiye.
Iraqçî bi dubarekirina helwêsta isûlî ya Îranê li ser pêwîstiya parastina aştî û istiqrarê li navçê, destnîşan kir ku Komara Îslamiya Îranê di eynî demê da ku bi awayeka giştalî hewl dide aştî û ewlehiya li navçê biparêze, tam ji bo bersiveka webirr û poşmankir li hember her maceraheziyeka ji aliyê Rejîma Siyonîst ve amade ye.
Wî pêgîrî kir ku berpirsyariya dûhatên berfirehbûna bê ewlehîtiyê li navçê ser milê vê rejîmê û piştgira wê ya sereke yanî Amerîkayê ye.
Ev şêwirîn û sefer di rewşa aloz û hestyar a navçê pêk hatine ku çalakbûna siyaseta derveyî û peywendiya kûr a qad û dîplomasiyê nîşan dide.
Berpirsyariya hemû welatên navçê ye ku bi rêya hewldana ji bo sekinandina jînûsayda li Xezzê û bidawîanîna destdirêjiya rejîma dagirkir dijî Libnanê û girtina pêşiya serxweziyên wê li navçê, pirr hewl bide.
