Dewama cinayetên Îsraîlê dijî xelkê Filistînê
Cîgirê nûneratiya Îranê li Rêxistina Neteweyên Yekgirtî (NY), got: Sedema têkçûna hewldanên jibo kêmkirina êş û elemên xelkê Filistînê, pêgîriya Rejîma Siyonîst li ser dewama kiryarên cinayetkarane dijî filistîniyan e.
Xulamhisên Dêhqanî, roja çarşemiyê, li civîna Civata Giştî ya li ser mijara Filistînê, herwiha got: Tevî xwestekên bi dû hev ên civaka navneteweyî û mehkûmbûna Rejîma Siyonîst li civatên navneteweyî, ev rejîma bi piştgiriya hevgirtiyên xwe yên kêm, hertim li hember van xwestekan sersar bûye.
Alîkarê nûneratiya Îranê li NY, destnîşan kir: Xalên curbicur ên binpêkirina mafêm filistîniyan ji aliyê Rejîma siyonîst ve yên wekî kavilkirina malan, veguhestina bi darê zorê ya kesên sivîl, girtin û zîndanîkirina neqanûnî ya welatiyên sivîl ên filistînî ji wan zarokan, şidet û pêkanîna tirsê ji aliyê bajaroknişînên îsraîlî û êrişa ser mizgevta El Eqsayê didomin.
Dêhqanî, bal kişand ser dewama dorpêça Zîvala Xezê û wê karê, sedema qeyrana mezin û kûr a mirovî û bêparbûna berfireh a nêzî du mîlyon filistînî da zanîn.
Dêhqanî got: Tevî hevdengbûna cîhanî ya li ser neqanûnîbûna siyaset û kiryarên Rejîma Siyonîst, Konseya Ewlehiyê, hîn felc e û nekariye ku pêispartiyên xwe cih bîne.
Cîgirê nûneratiya Îranê li rêxistina neteweyên yekgirtî, herwiha li ser piştgiriya tam a dewlet û xelkê Îranê ji xelkê zilimdîtî yê Filistînê sekinî û destnîşan kir: Îran her wekî berîşê, hewl dide ta ku xwesteka xelkê Filistînê ya li ser pêkhatina welatê serbixwe yê Filistînê ya bi paytextiya Qudsê, serê xwe bigire. (BANGÊ ÎSLÂMİ)
