Bexda û Herêma Kurdistana Iraqê nekevin destê DAIŞ`ê
Sêkrêtêrê giştî yê Berxwedana Îslamî ya El Nuceba ya Iraqê, desnîşan kir: Ramanên Îmam Xumêynî (re), xêmdarê Komara Îslamî ya Îranê bûn sedem ku Bexda û Herêma Kurdistana Iraqê, nekevin bin lepên grûpa têrorîstî û tekfîrî ya DAIŞ`ê .
Li gorî rapora IRNA`yê, Şêx Ekrem El Kebî, bi minasibeta salvegera bîst û heftem a emrê Xwedê kirina hezretê Îmam Xumêynî (re), îro pêncşemiyê li rêûresma gelanî ya li Necefa Eşrefê, herwiha got: Li gorî ramanên hezretê Îmam Xumeynî (re) dema ku têrorîstên DAIŞ`ê gihîştine deriyên Bexda û Kurdistana Iraqê, Komara îslamiya Îranê, li xwe wacib ferz zanî ku alîkariya xelkê Iraqê bike.
Wî ji bilî qedrzaniya ji hezretê ayetullah Xamineyî, rêberê giranqedr ê Înqilaba Îslamî û gel û dewleta Îranê bona piştgiriya hemûalî ya ji gelê mezlûm û misilman ê Iraqê li hember têrorîsmê, got: Înqilaba Îslamî bi rêberiya Îmam Xumeynî (re), destpêka rabûn û hişyariya îslamî ya li sedsala 20`an bû.
Vî fermandê payebilind ê teşkîlata gelanî ya Heşda Şebî ya Iraqê, got: Gelê Îranê karî, piştî bi salan şer û xebata li hemberî taxûtê, şah û hemû piştgrên wî yên kedxwar, tûşî şikesteka herî giran a li dîroka Îslamê bike (BANGÊ ÎSLÂMİ).
