Balafirên Iraqê navendeke serkirdeyên DAIŞê li Sûriyê kirin armanc

Navenda Ragehandina nivîsingiha Serokwezîrê Iraqê ragehand ku, Balafirên leşkerî yên Iraqê navendeke serkirdeyên DAIŞê li başûrê El-Dişîşiyê li nav xaka Sûriyê kirin armanc.

Navenda Ragehandina nivîsingiha Serokwezîrê Iraqê di daxuyaniyekê de li ser rûpela xwe ya fermî ragehand ku, bi fermana Serokwezîrê û fermandeyê giştî yên Hêzên Çekdar ên Iraqê Heyder Ebadî Hêzên esmanî operasyonek li dijî serkirdeyên DAIŞê li başûrê El-Dişîşiyê li nav xaka Sûriyê pêkanîn.

Berî niha jî balafirên Iraqê civîneke serkirdeyên DAIŞê li nava xaka Sûriyê kiribû armanc di encam de li gor daxuyaniya navenda ragehandinê 36 çekdar hatibûn kuştin, di nav wan de serkirde hebûn.