Bersiva Îranê bo daxwaza vîzayê ya sê nûnerên kongreya Amerîkayê
وڵامی ئێران بە داوای ڤیزای سێ نوێنەری کۆنگرەی ئەمریکا
Li gorî rapora ajansa nûçeyan a Komara Islamî nasyar bi IRNA`yê, li bersiva roja sêşemiyê, 7`ê Hezîrana 2016`an, a nivîsgeha wezareta karên derve ya îranê bo daxwaza nûnerên kongreya Amerîkayê ku opêştir daxwaza sefera bo Îranê kiribûn, hatiye ragihandin ku erka endamên kongreya Amerîkayê dîktekirin û sepandina siyasetê li ser welatên din nine û ev yeka bi awayê tekûz li bara siyasetên têkildarî dayîna vîzayê bo welatiyên Îranê jî rast e.
Li vê nivîsarê hatiye ku lihevkirina navokî di navbera Komara Islamî ya îranê û Koma 5+1`ê bi awayekî ronî ûzelal dibêje ku tenha rêxistina xweîdbiryar û qanûnî ji bo çavdêriya li ser cihanîna qonaxên lihevkirina navokî ya di navbera Îranê û Koma 5+1`ê nasyar bi Bernameya Giştalî ya Pêngava Hevpar, Ajansa Navneteweyiya Ênêrjiya Atomê ye.
Wezareta karên deve ya Îranê her viha ragihand ku tu yek ji alioyên lihevkirina navokî ji wan Amerîka û bi vî rengî welatiî yan rayedarên welatên aliyê vê lihevkirinê, nikarin idiaya mafêçavdêriya lis er cihanîna lihevkirina navokî bikin.
Li ser esasa ragihandina wezareta karên derve ya îranê, ne lihevkirina navokî û ne jî tu qanûna hiqûqî ya navneteweyî îzna wê tine ku destdirêjiya li ser hakimiyet û serweriya Îranê bike. Sê nûnerên komarxwaz ên kongreya Amerîkayê pêştir ji bo sefera bo Îranê daxwaza vîzayê kirin. Van sê nûnerên komarxawz idia kiribûn ku dixwazin ji bo seredana navendên navokî yên îranê sefera vî welatî bikin.
ە گوێرەی ڕاپۆرتی ئیرنا، لە وڵامی رۆژی سێ شەممەی نوسینگەی وەزارەتی دەرەوەی ئێران بە نوێنەرانی کۆنگرەی ئەمریکا کە پێشتر داوای سەردانی ئێرانیان کردبوو دا هاتووە ئەرکی ئەندامانی کۆنگرەی ئەمریکا سەپاندنی سیاسەتی ئەمریکا بەسەر وڵاتانی دیکە دا نییە و ئەوەش بێ گومان لە بابەت سیاسەتەکانی هاوپەیوەند بە وەرگرتنی ڤیزای ئێرانیش هەر بەم جۆرەیە.
لەو وڵام نامەیە دا هاتووە رێککەوتنی ناڤۆکیی ئێران و پێنج کۆ یەک یان بەرجام بە ڕاشکاوی باسی لەوە کردوە کە تەنیا دامەزراوەی شیاو بۆ چاوەدێری کردنی ئەو رێککەوتنە ئاژانسی نێودەوڵەتی وزەی ئەتۆمییە.
وەزارەتی دەرەوەی ئێران هەروەها ڕاشیگەیاندوە هیچ یەک لە لایەنەکانی بەرجام ،لە وان ئەمریکا و شارۆمەندان و کاربەدەستانی وڵاتانی هاوپەیوەند بە بەرجام، ناتوانن بانگەشەی چاوەدێری بەرجام بکەن.
بە گوێرەی ڕاگەیاندنی وەزارەتی دەرەوەی ئێران، نە بەرجام و نە هیچ یاسا و ڕێسایەکی نێودەوڵەتی دیکە بۆی نییە دەست بخاتە کاروباری ئێران.
سێ کۆماریخوازی ئەندامی ئەنجومەنی نوێنەرانی ئەمریکا پێشوتر بۆ سەردانی کردنی ئێران داوای ڤیزایان کردبوو.
ئەو سێ نوێنەرە کۆماریخوازە بانگەشەی ئەوەیان کردوە بە نیازن بێنە ئێران و سەردانی بنکە ئەتۆمییەکانی ئێران بکەن
(BANGÊ ÎSLÂMİ)
