Bertekên berfireh li ser şehadeta zarok Ebû Alya

Tevgerên berxwedanê û rêxistinên sivîl ên Filistînê duh (29ê Tîrmehê) li bajarokê El-Mugayir li nêzîkî Ramallahê ji aliyê hêzên dagirker ve li hember kuştina Emced Ebû Alya ku tenê 16 salî bû, bertekên tund nîşan dan.

Wezareta Tenduristiyê ya Filistînê ragihand ku Emced Ebû Alya yekane zarokê dê û bavê xwe bi guleyên rastî yên hêzên dagirker ji sînga xwe bi giranî birîndar bû û di encama vê birîna xwe de jiyana xwe ji dest da.

Çavkaniyên herêmî diyar kirin ku Ebû Alya ji bo Nexweşxaneya Şêwirmendiyê ya li Rimêlanê hatiye veguhestin, lê nehatiye rizgarkirin.

Berdevkê Tevgera Berxwedana Îslamî (Hamas) Ebdulletîf El-Kanû’ diyar kir ku rejîma îşxalker a Îsraîlê li bajarokê El-Mugayir cinayeteke mezin pêk aniye û şehîdbûna zarokekî bi navê Ebû Elya jî nîşaneya wê yekê ye. Helwesta êrîşkar û dijminane ya Rejîma Dagirker a Siyonîst li hember gelê Filistînê berdewam e.

Tevgera Mucahidîn hevxemiya xwe ji bo zarokê şehîd Ebû Elya xwest û got ku berdewamiya serjêkirina zarokan ji aliyê rejîma dagîrker ve nîşana wê yekê ye ku ew dev ji helwesta xwe ya terorîst bernedaye.

Her wiha komîteyên berxwedanê ji bo Ebû Elya sersaxî xwestin û diyar kirin ku xwîna wî û şehîdan li erdê namîne û her dem li siyonîstên qatil wê lanet li wan bê kirin.

Hereketa Cîhada Îslamî jî der barê cinayetê da daxuyanî da û got ku qetlîamên wiha nikarin gelê Filistînê mecbûrî têkoşîna maf û azadiyê bikin.