DAIŞê êrişî bîrên petrolê kir – 25 terorîstê DAÎŞ ê hat kuştin, 15 leşkerên Iraqê şehîd bûn

Çekdarên rêxistina DAIŞê îro êrişî 2 bîrên petrolê yên li rojhilatê bajarê Tikrîtê kirin û şerekî dijwar di navbera wan û leşkerên Iraqê de derket. Di encama pevçûnan de 25 çekdarên DAIŞê û 15 leşkerên Iraqê şehîd bûn.

Li bajarê Tikîrt ê Iraqê ku girêdayî parêzgeha Selahdînê ye, çekdarên DAIŞê îro êrişeke berfireh bo ser 2 bîrên petrolê yên bi navê Ellas û Icîl ku di bin kontrola hêzên Iraqê de ne, kirin.

Li gor zanyariyan hêzên Artêşa Iraqê û milîsên xelk bi tundî bersiva êrişa DAIŞê dan û di navbera her du aliyan de şerekî dijwar derket. (BANGÊ ÎSLÂMİ)