Text-rewançî: Bila Koma 5+1`ê sozên xwe yên li rêketinama navokî cih bîne
Mecîd Text-rewançî, alîkarê wezîrê karên derve yê Îranê li karên Ewropa û Amerîkayê îro li rex civîna alîkarên serok û rêvebirên navnetewî yên zanîneh, navendên lêkolînê û parkên zanist û têknolojîya Îranê li bajarê Têhranê bal kişand ser vîya ku Îranê sozên xwe di çarçova rêketinama navokî da cih anîne û divê alîyê himber (Koma 5+1`ê) jî sozên xwe cih bîne. Wî pêkutî kir ku bê guman Desteya Çavdêrîya ser Cihanîna Rêketinama Navokî biryarderê sereke li bara çawanîya sekinîna li hemberî bêzosîya amerîkîyan li mijara rêketinama navokî ye.
Text-rewançî bi gotina vîya ku Navenda Şopandina Rêketinama Navokî lîsta bêsozîyên Amerîkayê amade dike, da zanîn ku Desteya Çavdêrîya ser Cihanîna Rêketinama Navokî biryarderê li bara dem û çawanîya sekinîna li hemberî van bêsozîyan e.
Alîkarê wezîrê karên derve yê Îranê li bara vîya ku gelo Workşopa Pêngava Malî têkilîyek bi sozên Îranê ra heye yan na? jî got: Îranê jibo wekhevkirin û hevdengkirina sîstema xwe ya malî ligel sîstemên malî yên navnetewî hin muzakire pêk anîne ku ji wan babeta Workşopa Pêngava Malî ye lê, biryara Konseya Ewlehîya Netewî û Nizama Îranê di vî warî da bingeh e û yê cih bê. (BANGÊ ÎSLÂMİ)
