Daxûyanîya Meclisa Şarezayên Rêberîyê bi boneya salvegera koça dawîyê ya Îmam Xumêynî (RE)
Meclisa Şarezayên Rêberîyê îro li daxûyanîyekê tevî rêzgirtina li bîra Îmam Xumêynî (RE), gelê birûmet ê Îrana islamî jibo pişkdarîya bicoş li merasima rêzgirtina li salroja koça dawîyê ya xîmdanerê mezin ê Komara Islamî ya Îranê vexwend.
Li gorî rapora nûçegihanê SAHAR TV, Meclisa Şarezayên Rêberîyê li vê daxûyanîyê bal kişand ser vîya ku kesayetîya Îmam Xumêynî (RE) û şoreşa kûr û berifre ya wî her ku diçe zêdetir aşkira dibin û ragihand: Îmam Xumêynî (RE) jibo vejîyandina islama resen a mihemedî (S), bilindkirina alaya dîndarîyê û bilindbûna dengê belengaz û hejaran serî hilda.
Li vê daxûyanîyê pêkutî hatîye kirin ku Îmam Xumêynî (RE) dengê “ tifaq û hişyarîya islamî“ li qada navnetewî bilind kir û nasnama jibîrbûyî ya misilmanan vejîyand û hatîye: Îmam Xumêynî (RE) eva fêrî hejar û bindestên cîhanê kir ku mirov dikare bi fêrkarîyên islamî qesrên taxût û zilimker û serdestîxwazan hilweşîne.
Sibê yekşemî, 14`ê Xordada 1396`an a koça tavî, 9`ê Remezana 1438`an a koça heyvî û 4`ê Hezîrana 2017`an, 28`emîn salvegera koça dawiyê ya hezretê Îmam Xumeynî (re), damezirînerê mezin ê Komara Îslamiya Îranê.
Rêûrisma rêzgirtina salvegera koça dawiyê ya Îmam Xumeynî (re), hemî salan bi beşdariya bi mîlyonan kes ji evîndarên damezirînerê Komara Îslamiya Îranê ji seranserê Îrana Îslamî û her dera dinyayê, li tirba wî tê lidarxistin. (ÎSLÂMİ DAVET)
