Daxwaza Konseya Ewlehiyê ji aluyên pevçûnê yên li Yemenê

Konseya Ewlehiyê ya Rêxistina Netewên Yekgirtî (NY) ji aliyên yemenî xwest ku hêzên xwe ji bendera Hudeydê derxînin.

Li gorî rapora kanala nûçeyan a AL ALAM`ê, Konseya Ewlehiyê ya Rêxistina Netewên Yekgirtî (NY), ji aliyên yemenî xwest hêzên xwe ji bendera sereke ya Hudeydê derxînin û sozdarê hevhatina Swêdê bin.

Endamên Konseya Ewlehiyê ya Rêxistina Netewên Yekgirtî (NY), destnîşan kirin: Bila Komên yemenî xweragir bin û bi kêmkirina kêşeyan, sozdariya li sozên li hevhatina Stokholmê û cihanîna lezgîn a van sozan, ji derfetan ji bo bichkirina aştiyeka mayinde sûdê wergirin.

Bendera Hudeydê, rêya herî sereke ya şandina alîkariyên mirovdostiyê bo Yemenê ye.

Dewra çaran a muzakireyên aştiya yemenê, ji 6`ê Kanûnê ve bi amadebûna aliyên yemenî bi serokatiya Martîn Gîrîfîts (Martin Griffiths), nûnerê taybet ê sekreterê gişt ê Rêxistina Netewên Yekgirtî (NY) li karûbarên Yemenê, li Stokholmê destpê bû û roja pêncşemiyê 13`ê Kanûna 2019`an bi hevhatina li ser agirbesa li Hudeydê karê xwe bi dawî anî.

Heya niha çend caran bona bidawîanîna şerrê Yemenê, hin livûtevger pêk hatine lê her carê bi astengîderxistina Erebistanê û hevgirtiyên wê rastî xitimînê ve hatine.