Frêdrîş Ştîfêt, balyozê Otrîşê li Têhranê, roja sêşemê li hevdîtina tev Hesen Sadiqlû, parêzgarê Gulistanê li Gorganê (li bakûrê Îranê) got: Kirrîna niftê ji Îranê, piştî midehekê rawestan û bi rabûna boykotan, careka din ji heftiya buhurî ve û bi kirrîna yek mîlyon bermîl niftê, dest pê bûye.
Iştîfêt herwiha got: Ji bilî niftê, Otrîş berhemên din ên wekî Zefran, pembû, Gwîz û berhem û hasilên din ên cotkariyê ji Îranê dikire û tê pêşbînîkirin ku bi zêdebûna danûstandinên bazirganiyê yên di navbera du welatan de, hevkariyên di navbera Îran û Otrîşê de, vegere dema berî boykotan.
Balyozê Otrîşê li Îranê destnîşan kir: Bi vê zûtirkê bankeka otrîşê, wê çalakiya xwe ya li Îranê, dest pê bike ta ku danûstandina pereyên derfirotin û şandina kelûpelên Îran û Otrîşê, hêsan bibe.
Iştîfêt got: Sefera taxima bazirganiyê ya Otrîşê bo parêzgeha Gulistanê jî li dahatiya nêzîk, wê rê ji bo berfirehkirina hevkariyên di navbera vî welatî û Gulistanê, xweş bike.
Parêzgarê Gulistanê jî got: Giyayên dermanî, berhemên cotkarî û ajeldariyê û Sefran, dikarin ji wan beşên hevkariyên hevpar ên di navbera Gulistan û Otrîşê bin. (BANGÊ ÎSLÂMİ)