Li Silêmaniyê di nav hefteyekê de herî kêm 10 caran agir bi kewşen ketiye
Li parêzgeha Silêmaniyê ya Başûrê Kurdistanê di nav hefteyekê de herî kêm 10 caran agir bi daristan û kewşen ketiye û bi hezaran donim erd û daristan şewitiye.
Rêveberiya polîsê daristan û jîngeha Silêmaniyê ragihandiye, di heyama hefteyekê de herî kêm 10 caran şewat li Qeredax, Pêncwên, Axceler û Mawetê qewimiye û agir bi kewşen, daristan û zeviyan ketiye.
Li gorî daxuyaniya rêveberiya polîsê daristan û jîngehê, ji ber wan şewatan nêzîkî 5 donim zevî, erd û daristan şewitiye.
Di daxuyaniyê de hatiye gotin ku her sal bi hatina havînê re rûdanên şewatê zêde dibin ji ber ku kewşen û sirûşt zuha dibin, çirûskek biçûk agir dibe sebeba şewatek mezin.
Rêveberiya polîsê daristan û jîngeha Silêmaniyê daxwaz ji welatiyan jî kiriye, di wextê seyranê de gelekî hişyar bin her wiha eger li cihekî şewat hebe demildest dezgehên pêwendîdar agahar bikin.
