Emîr Ebdullahiyan: Palpiştiya siûdiyan li Emerîkayê bêfeyde ye

Huseyn Emîr Ebdulahiyan, alîkarê taybet ê serokê meclîsa şêwra îslamî ya îarnê li karûbarên navneteweyî tekez kir: Palpiştiya rejîmên Alê Siûd û alê Xelîfe bi Emerîkayê ji wan re bêhasil e .
Rayedarên hin welatên erebî ji wan Erebistan û Behreynê şemiya heftiya buhurî li Riyazê tev Donald Trump serokkomarê Emerîkayê hevdîtin û gotûbêj kirin.
Huseyn Emîr Ebdullahiyan roja yekşemiyê li hevdîtina Xalid Qudûmî serokê nivîsgeha tevgera Berxwedana Îslamî ya Filistînê li Têhranê her wiha ser dewama piştgiriya giştalî ya Îranê ji gelê bindest ê Filistînê tekez kir û got : “Sira serketin û serketina dawiyê ya Filistînê li yekitiya grûpên filistînî û berxwedanê ye û Hizbullaha Libnanê, Hamas û cîhada Îslamî ya Filistînê xew ji çavên Rejîam Siyonîstî rewandine“.
Huseyn Emîr ebdulahiyan bal kişand ser liv û tevgerên bi şik ên Rejîma siyonîstî li navçê û tekez kir: “Normalkirina peywendiyên hin welatên erebî tev Rejîma Îsraîlê dê cih neyê û Quds dê weke qibleya ewil a misilmanên cîhanê bimîne“.
Alîkarê taybet ê serokê meclisa şêwar îslamî ya Îranê li karûbarên navneteweyî her wiha hewldana jibo pêkanîna hevalbendiya derew li navçê kiryarek li çarçêveya jibîrkirina mesela Filistînê û Qudsa Şerîf da zanîn û tekez kir ku dê Filistîn wek ewlewiyeta cîhana Îslamî bimîne.
Xalid Qudûmî serokê nivîsgeha tevgera Hamasê li Têhranê jî li vê hevdîtinê bal kişand ser vê yekê ku Hamas li raberkirina belgeya xwe ya nû ji prensîpên xwe yên berê paşde venekişyaye û got: “Li belgeya nû ya Hamasê ser parastina yekperçetiya erdê Filistînê ji “Behrê heta Nehrê“, bifermînasnekirina rejîma Dagirkir a siyonîst, naskirina Qudsê wek qibleya misilmanan û vegeriyana hemî aware û koçberên filistînî hatiye tekezkirin. (BANGÊ ÎSLÂMİ)