Girêdana Tevgava Hormozê bihayê niftê digihîne 400 dolarî di her bermîlê da
Karzanekî niftê yê Iraqê pêşbînî kir ku bi gi9rêdana Tengava Hormozê ji ber kêşeyên pêkhatî li navçeyê, bihayê her bermîla niftê dê bigihêje 400 dolarî.
Hemze El Cewahirî roja Şemiyê li gotûbêja bi ajansa nûçeyan a El Melûmeya Iraqê ra got: Bi girêdana t6engava Hormozê gellek ji welatên pêşeyî ji hêla aborî va tûşî hilweşiyanê bin ji ber ku bona pêşeyên xwe hewcetî bi niftê hene û di encamê da girêdana vê tengavê dê bi wateya şerê sêyem ê cîhanî be.
Karzanê niftê yê iraqî her wiha got: Iraqê riyeka derketinê ji riya Tikriyê bona firotina niftê ye, lê ev rê ji aliyê Herêma Kurdistana Iraqê va tê kontrolkirin.
Hemze El Cewahirî got: Girêdana Tengava Hormorzê û zêdebûna bihayê niftê heta asta 400 dolarî di he bermîlê da, dê gellek pirsgirêk û kêşeyan ji bo abora cîhanî pêk bîne.
Heftiya bihurî Hesen Rûhanî Serokê Komara Îslamî ya Îranê wek berteka li hemberî gefên Amerîkayê yên boykotkiirna nifta Îranê, bi aşkiratî ji rayedarên Koşka Sipî ra got ku Têhranê ji bo sekinîna li hemberî gefên Waşîngtonê gellek bijardeyên xwe hene ku girêdana Tengava Hormozê yek ji wan e.
Serdar Qasim Silêmanî Fermandarê Hêza Qudsê ya Sipahê Pasdarên Înqilaba Îslamî jî xitabî Trumpê serokomarê Amerîkayê, destpêkirina şêrr ji aliyê Amerîkayê va li dijî Îranê bi wateya jinavbirina tevahiya îmkanên wî welatî da zanîn û qala amadetiya Komara Îslamî ya Îranê ji bo vê rûbirûbûnê kir.
