Google li civîna Rîyazê pişkdar nabe

Şirketa Google wek berteka li hemberî kuştina rojnamevanê rexnekirê rêjîma Siûdî li Civîna Sermayeguzarîyê ya li Rîzanê pişkdar nabe.

Li gorî rapora Ajansa Nûçan a Reutersê, şirketa Google`ê di daxûyanîyekê de ragihand ku Diane Greene yek ji rêvebirên vê şirketê li civîna Rîyazê ku biryar bû di 23`yê Cotmehê de destpê bibe, pişkdar nabe.

Piştî belavbûna nûçeya kuştina Jamal Khashoggi rojnamevanê rexnekirê rêjîma Siûdî ku ji bo rojnama Washington Post`ê kar dikir, gellek sazî û navendên navdar û sîyasetvanan ragihandin ku li civîna Rîyazê pişkdar nabin.