Iraq ji bo avedankirina nû ya beşek ji kavil û wêraniyên ji ber êrîşên koma têrorîst a DAIŞ`ê ji Banka Cîhanî deynê werdigire
Mehdî Ebd El Ferhan serokê rêvebiriya karên rê û pireyên parêzgeha El Enbarê li rojavaya Iraqê ragihan ku wezareta mal û Avedankirnê ya vî welatî ji bo avedankirna nû ya sê pireyên bajarê El Remadiya navenda parêzgeha El Enbarê dê zûtirkê çend miliyon dolaran deyn ji Banka Cîhanê werbigire.
Mehdî Ebd El Ferhan her wiha got: Banka Cîhanî bûdceya nûavakirina sê pireyên bajarê remadiyê dabîn dike û ev bûdce dê raberî şirketên avakirinê yên sivîl li nav Iraqê bê kirin.
Ferhan Got: Pirên El Qasim,, El Bûferav û Umer Bin Ebd El Ezîz li ser Çemê Firatê hatine avakirin û bajarê Remadiyê bi riya navneteweyî û parêzgehên din ên Iraqê va girê dide ku ev sê pire dê bi deyna Banka Cîhanî bi qasî çar miliyon dolar û 300 hezar dolarî di heyama herî pirr salekê werin avakirin.
Koma têrorîst a DAIŞ`ê nîveka sala 2015`an pirraniya pireyên bajarê El remadiyê û navçeyên din û bajarên parêzgeha El Enbarê ji bo girtina pêşiya pêşdaçûna hêzên iraqî wêran kirin.
Li vî halî koma têrorîst a DAIŞ`ê tevî ragihandina hişyariyê li kolanên qedîmî yên bajarê Mûsilê, saetên qedexetiya hatûçûnê ji saet 5`a berêvarî heta pênca sibehê daniye.
Renge egerên vê kiryarê veguehstina çekan û alavên şêrr û cihanîna guhertinên li navendên fermandetiyê di heyama saetên qedexeya hatûçûnê da ye.
Nûçeya din ji Iraqê ev e ku Hesen El yasirî serokê saziya Têkoşîna Li hemberî Gendeliya Malî û Rêvebiriyê ya Iraqê ragihand ku vê saziyê derdora du miliyar û 137 miliyon û 700 hezar dolar ji ma û heyiyên dizî û qaçaxkirî yên xelkê wergirtine an rê li ber qaçaxa wan girtiye. (BANGÊ ÎSLÂMİ)
