Wezîrê karên derve yê Amerîkayê axaftinên Serokê Komara Îslamî ya Îranê li dijî dagirkeriya rêjîma Israîlê û nêrîna serdestîxwaziyê ya Amerîkayê “Metirsîdar“ wesifand.
Li gorî rapora ajansa nûçeyan a Tesnîmê, Mayk Pompê wezîrê karên derve yê Amerîkayê bi weşandina daxûyaniyekê wek berteka li hemberî gotinên Hesen Rûhanî, Serokê Komara Îslamî ya Îranê, li Konferansa Navneteweyî ya Yekîtiya Îslamî, ragihandiye: Serokmarê Îranê Israîl wek “Kula Şêrpenceyê“ û “Rêjîma Sexte“ da zanîn û misilmanên cîhanê bi yekbûna dijî Amerîkayê han dan ku ev kar bixeter in.
Hesen Rûhanî, Serokê Komara Îslamî ya Îranê roja Şemiyê li sî û duyemîn Konferansa Navneteweyî ya Yekîtiya Îslamî li Têhranê, Israîl wek Rêjîma Sexte da zanîn ku welatên rojavayî ew pêk anîne û got: Yek ji encamên qirêj ên şerê duyem ê cîhanî, pêkhatina Kula şêrpenceyê ya bi vî rengî li navçeyê bû.
Rûhanî her wiha got: Nakokiya cîhana îslamê tev Amerîkayê, li ser azayetî û koletiyê ye û misilman divê li hemberî zorbêjiya Amerîkayê dijî gelan bi hemî hêza xwe rawestin.