Hewildana xelkê Mûsilê jibo azadkirina vî bajarî
Berdevkê Heşdê şebî li Iraqê tekez kir ku xelkê Mûsilê tev hêzên iraqî hewil didin ku vî bajarî azad bikin.
Ebûcefer El-Esedî berdevkê fermî yê hêzên xwebexş ên gelanî li Iraqê roja duşemiyê li gotûbêja tev Tesnîm Newsê tekez kir ku hin ciwanên Mûsilê gurdanên nepenî pêk anîne û di demên curbicur êrişî ser terorîstên DAIŞê dikin.
El-Esedî tekez kir ku ji destpêka operasyona azadkirina Mûsilê heya niha zêde ji 600 terorîst hatin kuştin û bi dehan trimbêlên bombekirî jî li mêhwerên curbicur ên Mûsilê hatine bêencamkirin.
Berdevkê fermî yê Heşdê Şebî ya Iraqê jî destnîşan kir ku parastina welatiyan bernama sereke ya hêzên iraqî ye û loma nikarin demeke taybet jibo kutakirina operasyona Mûsilê berçav bigrin.Jiber ku terorîst li navenda bajêr ber xwe dane û welatiyan ji xwe re dikin mertala însanî.
Ebûmehdî El-Muhendis fermandê hêzên besîca gelanî ya Iraqê jî li hevpeyvîna tev Rûsiya El-Yewmê got ku hêzêmn besîca gelanî li amadetiya tam jibo beşdariya li azadkirina Mûsilê de ne û erkdariya wan piştgiriya hêzên artêşa Iraqê û polîsê federal li pêşdeçûna ber bi navça Tileferê li rojava Mûsilê ye.
Bi destpêbûna operasyona azadkirina Mûsilê ji duşemiya heftiay buhurî hêzên iarqî serketinên zav bidest xistine û terorîstan ruhiyeta xwe dorandine û gelek şikest xwarine. (BANGÊ ÎSLÂMİ)
