`Îran bi dû aşitî û ewlehiya navçê û kurtkirina destê dijminan û girtina mihaneyan ji wan e`
![](https://bangeislami.net/wp-content/uploads/2017/07/4bmz890c535038sl7e_800C450.jpg)
Hesen Ruhanî serokkomarê Îranê îro yekşemê li civîna seranserî ya Saziya Dadweriya welêt li Têhranê got: `Dijmin bi dû nearamkirin û zêdekirina desthilata xwe li Rojhilata Navînê ye ta ku sîlahên xwe bifroşe welatên navçê û herwisa bi dû mihaneyan digere ta ku desthilata xwe li Rojhilata Navînê zêde bike`.
Ruhanî siyasetên Îranê berbenda li ser rêya zêdebûna desthilat û hêza Amerîkayê li navçê daye zanîn û destnîşan kir; `Armanca siyasetên derveyî yên Îranê danîna Ewrûpa, Rûsiya û Çînê li hemberî zêdexwaziyên Amerîkayê û şermezarkirina siyasetên destwerdanê yên Waşîngtonê ye`.
Serokkomarê Îranê bal kişande ser têkçûna plana Amerîka li Konseya Ewlehiya Rêxistina Netewên Yekgirtî li bara biryarnama 2231`ê û bernama mûşekî ya Îranê û got: `Ewrûpa, Rûsiya û Çînê ev cure siyasetên Amerîka mehkûm kirin`.
Ruhanî got: `Niha Îran li rewşekê da ye ku Yeketiya Ewrûpayê, Çîn û gellek ji welatên afrîqî û asiyayî li gelek babetan da li kêleka Îranê ne`.
Serokkomarê Îranê herwisa bi kurtî behsa siyasetên nedirust ên Amerîkayê li bara Rêketina Navokî ya di navbera Îranê û grûpa 5+1ê jî kir û got: `Îranê qet tu rêketinek tev Amerîkayê îmza nekiriye belkî ev rêketina tev grûpa 5+1î ye û her ji ber viya ye ku Rûsiya, Çîn û Ewropayêî neyariya xwe tev siyasetên Amerîka ragihandine`. (BANGÊ ÎSLÂMİ)