Berxwedana Îslamî li Iraqê ragihand ku wan parzûngehên petrolê yên li Heyfaya dagirkirî, roja Îniyê, bi bikaranîna balafirên bêpîlot, di temamkirina qonaxa duyemîn a operasyonên rûbirûbûna dagirkeriya Îsraîlê de kirin armanc.
Her wiha ragihand ku wan roja Pêncşemê bi firokeyên bêfirokevan Baregeha Îsraîlî (1) li bakurê Golana Sûriyê ya dagîrkirî kiriye armanc.
Berxwedana Îslamî li Iraqê piştrast kir ku ev armanc ji bo piştgiriya Filistîniyên li Zîvala Gazayê û bersiva komkujiyên Îsraîlê yên li dijî wan hat, soza “berdewamkirina têkbirina baregehên dijminan” da.
Di heman rojê de berxwedanê di çarçoveya qonaxa duyemîn a operasyonên xwe yên li dijî dagirkeriyê de bargeheke leşkerî ya li balafirgeha Roş Pîna ya li herêmên dagirbûyî yên Filistînê hedef girt.
Di du operasyonên din de ku ew jî di çarçoveya qonaxa duyemîn a armanckirina wê de ne, firokeyên bêfirokevan ên Berxwedana Îslamî li Iraqê roja Çarşema borî firokexaneya Kiryat Şmona û roja Sêşemê jî navenda elektrîkê li firokexaneya Heyfa ya dagîrkirî kirin armanc.
Beriya niha bi du rojan, Berxwedana Îslamî ya Iraqê piştrast kir ku wan bi du armancan girtiye ser xwe: azadkirina Iraqê ji bin dagirkeriya Amerîkayê û piştgirîkirina Filistîna dagîrkirî li şerê wê yê pîroz li dijî dagîrkeriya Îsraîlê.
Her wiha tekez kir ku heta ragihandina agirbestê li Zîvala Gazzeyê û pabendbûna dagirkeriyê bi wê re, wê operasyonên xwe yên li dijî niştecihên Îsraîlê bidomînin û diyar kir ku şervanên wê dê di wê heyamê de bi temamî amade bin, wekî ku “Eger sîyonîst vegere sûcên wê, em ê vegerin.”