Koreya Bakur ragihand ku motorê moşekên nifşê nû yên ku ew wek ‘îcadeke wek şoreş”ê bi nav kiribû bi awayekî serkefî hat testkirin

Li gorî nûçeya Ajansa Nûçeyan a Navendî ya Koreya Bakur(KCNA), ceribandina motorê moşeka nifşê nû ya xwedan hêzeke bilind a dehfandinê li tesîsa avêtinê ya Sohaeyê bi beşdarbûna Serokê Koreya Bakur Kim Jong-un pêk hat.

Kim di axiftina xwe ya li merasîmê de ceribandin wek ‘bûyereke xwedan giringiyeke dîrokî’ bi nav kir û diyar kir ku motor ji bo programa Koreya Bakur a fezayê “îcadeke wek şoreşê” ye. Kim îdia kir ku ev îcad dê di pîşesaziya moşekan de wek “şoreşa 18ê Adarê” bê bibîranîn û wiha pê de çû: “Tevahiya cîhanê, dê bibe şahid bê ev îcad çiqasî giring e û çi serkeftineke mezin e”.

Ji aliyê din ve, li gorî nûçeya KCNAyê, hatiye diyarkirin ku motorê moşekên nifşê nû dê di programên firandina peyk û fezayê yên Koreya Bakur de were bikaranîn. (BANGÊ ÎSLÂMİ)