Koşka Sipî: Koreya Bakur gefa herî mezin dijî Amerîkayê ye
Şan Spaysêr, berdevkê Koşka Sipî êvara çarşemiyê ragihand ku Koreya Bakur gefa herî mezin dijî Amerîakyê ye.
Şan Spaysêr, berdevkê Koşka Sipî got: Koreya Bakur gefa herî mezin dijî Amerîakyê û hevpeymanên wî ye.
Li gorî rapora IRIB News`ê, Şan Spaysêr, berdevkê Koşka Sipî li berisva nûçegihanekî ku pirsî: “Cîmz Komî serokê FBI`yê li civîna komîteya dadwweriyê ya sênaya Amerîkayê got ku Rûsiye hema wisa li karên siyasî yên Amerîkayê hizûra xwe heye û destwerdanê dike, gelo nêrîna Koşka Sipî jî eva ye?“, got: “Ez bawer im ku eva nêrîna Koşka Sipî ye. Em pala xwe didin nêrînên wan û endamên din ên civaka istixbaratî da ku bikarin serokomêr ji dawîn zanyariyan agah bikin“.
Wî li persiva pirsa vê nûçegihanî ku pirsî: “Serokê FBI`yê li vê civînê guhdarîkirina Rûsiyê wek gefa herî mezin dijî Amerîkayê li cehanê daye zanîn. gelo serokomar viya qebûl dike?“ got: “Serokomarê bibawer e ku Koreya Bakur bi çekên xwe yên navokî gefa herî mezin li dijî Amerîkayê ye. Ev welata jiyana amerîkî û hevpeymanên me dêxe ber metirsiyê“.
Rewşa Nîvgirava Koreyê niha ji ber siyasetên dijminane, bi tehrîk û yekalî yên Amerîkayê li dijî Koreya Bakur pirr kêşe ye.
Waşîngtonê hertim xwestiye ku Koreya Bakur ceribandinên xwe yên leşkerî û navokî rawestîne. Lê Piyong Yangê bi caran pêgirî kiriye ku heta wê demê ku Amerîka û hevpeymanên wî welatî gefên xwe li dijî Koreya Bakur bidomînin, ev welata jî şiyanên xwe yên leşkerî û pêşîlêgirtinê wê xurt bike. (BANGÊ ÎSLÂMİ)
