Wezîrê Tenduristiyê yê Kubayê Jose Portal roja Îniyê ragihand ku komên xebatê yên lêkolîner û pisporên edlî li cihê şewata depoyeke petrolê li bakurê rojavayê giravê termên 4 kesan dîtine.
Wezîr li ser Facebookê nivîsî: “Demjimêr çarê piştî nîvroya Înê, xebata li cihê bûyerê îmkan da ku termên çar kesên cuda werin naskirin.”
Serokatiya Kubayê li ser Twitterê diyar kir ku “di saet heftê sibê (În) de agir bi dawî bûye”, ku hefteyekê gurr bûye, û got ku nêzîkî 60 pisporên dadwerî ketine devera karesatê di hewla dîtina termên windayan. .
Şewata ku ji ber lêdana birûskê derketibû, di 5ê Tebaxê de li depoya petrolê ya Matanzas a herî mezin a Kubayê û 100 kîlometre li rojhilatê Havanayê ye, derketibû.
Li cihê bûyerê 4 tankên ku heta 52 milyon lître nefta xam an mazût tê de hene, ji 8 tankan şewitîn.
Di şewatê de 2 îtfaiye mirin û 132 kes jî birîndar bûn, 23 ji wan jî roja Înê li nexweşxaneyê ne û rewşa 4 ji birîndaran giran e.
Tê çaverêkirin ku windakirina bi milyonan lître sotemeniya bingehîn a ji bo têrkirina santralên elektrîkê yên welêt, wê rewşa dijwar a dabînkirina elektrîkê li giravê girantir bike.
