Larîcanî: Pêwendiyên Îran û Iraqê qut nabin
Serokê Meclisa Îranê ya Şêwra Îslamî şeva çûyî li hevdîtina serokomarê Iraqê li Tehranê desnîşan kir ku du welatên Îran û Iraqê bi awayekî siruştî li hev girêdayî ne û got: Pêwendiyên Îran û Iraqê qet ji hev cihê û qut nabin.
Li gor nûçeya IRNAyê, Serokê Meclisa Îranê ya Şêwra Îslamî Elî Larîcanî sefera serokomarê Iraqê Berhem Salih bo Îranê wek xaleke werçerxan li pêwendî û hevkariyên du welatan bi nav kir û got: Gelek kesan xebitîn ku pêwendiyên du welatan biqetînin lê negihêştin encamê.
Serokê Meclisa Îranê ya Şêwra Îslamî pêwendiyên Îran û Iraqê dîrokî, dostane û ber bi pêşveçûn û berfirebûnê da zanîn û got: Bi qahêm û zêdebûna pêwendiyên aborî û ticarî yên du welatan derfetên nû ji bo hevkariyên du alî li çarçêva berjiwendiyên du welatan pêk tê.
Larîcanî herwiha rola Îran, Iraq û Tirkiyê li çarçêva çareseriya pirsgirêkên navçê pêwîst da zanîn û got: Komîteyek di navbera meclisên Îran, Rûsya, Efxanistan, Pakistan û Tirkiyê ji bo şerê li dij terorîzmê pêk hatiye û Tehran hêvîdar e ku Iraq jî tevlî vê komîteyê bibe.
Larîcanî herwiha bal kişand ser krîzaq Sûriyê û got: Iraq dikare ji bo çareseriya krîza Sûriyê roleke girîng bilîze.
Serokomarê Iraqê Berhem Salih jî li vê hevdîtinê derazîbûna xwe derheq sefera xwe ya Îranê diyar kir û got ku welatê wî dixwaze li gişt waran hevkariyên xwe bi Îranê re berfire bike.
Berhem Salih duh bi teximeke derecebilind re ji bo hevdîtina rayedarên îranî sefera Tehranê kir.
