Wezîrê Derve yê Rûsyayê Sergey Lavrov, piştî krîza xistina firokeya Rûsî bo yekem carê serdana Tirkiyê dike.
Wezîrê Derve yê Rûsyayê Sergey Lavrov, şeva bihurî gihîşt Alanya û ji hêla Wezîrê Derve yê Tirkiyê Mewlud Çawişoglu ve hat pêşwazîkirin. Her du wezîrên derve îro li Alanyayê beşdarî civîna 5’emîn ya Grupa Plansaziya Hevpar ya Tirkiye û Rûsyayê dibin.
Roja 24’ê Mijdara 2015’ê de firokeyeke Rûsî ji hêla artêşa Tirkiyê ve hatibû daxistin. Piştî vê yekê, Rûsya pêwendiyên xwe di asta bilind de rawestandibûn. (BANGÊ ÎSLÂMİ)
