Serokê Komara Îslamî ya Îranê gihêşte parêzgeha Azerbaycana Rojavayê ya Îranê

Li gorî rapora IRNA, Serokê Komara Îslamî ya Îranê Hesen Ruhanî îro dema gihêşte bajarê Ûrmiyê navenda parêzgeha Azerbaycana Rojavayê hêvîdariya xwe diyar kir ku ev sefera bibe sedema xêrê û pêşketinê ji bo Azerbaycana Rojavayê.

Serokê Komara Îslamî ya Îranê got: Li sefera Azerbaycana Rojavayê ji bilî axivtina di nav koma xelkê û şareza û kesayetiyên parêzgehê de, em ê hin rûniştinên taybet ji bo pêşxistina aborî ya Parêzgeha Azerbaycana Rojavayê bi rê xin û em ê xelkê derheq proje û planên pejirî ji aliyê dewletê jî agahdar bikin.

Li sefera Hesen Ruhanî ya Parêzgeha Azerbaycana Rojavayê, 341 proje digihêjin qonaxê behreweriyê.

Îmzakirina rêketinama 3 milyar dolarî tev beşa xusûsî bona çêkirina bajarokê silametî û saxlemiyê li devera Sîlwanaya Ûrmiyê projeke girîng û bi bandor e bona pêşxistina Parêzgeha Azerbaycana Rojavayê ku li sefera serokê Komara Îslamî ya Îranê cih tê. (BANGÊ ÎSLÂMİ)