Li Bexdayê teqîn

Li paytexta Iraqê Bexdayê, otomobîleke bombebarkirî teqiya û di encamê de şeş kesan jiyana xwe ji dest da.

Çavkaniyeke ewlekariyê ragihand ku otomobîleke bombebarkirî li nezîkî pêşengehên Nehdayê li navenda Bexdayê teqiyaye.

Li gor çavkaniyê, encamên destpêkê yên teqînê diyar dikin ku 6 kes hatine kuştin û hinekên din birîndar bûne bê ku hejmara birîndaran bide.

Hêjayî gotinê ye ku teqîn û tundûtûjî gelek caran li Bexdayê çêdibe ku di encama wan de gelek kes jiyana xwe ji dest didin û birîndar dibin. (BANGÊ ÎSLÂMİ)