Li Dêrazorê bi dehan sivîl ji destê DAIŞê hatin rizgarkirin

Li herêma Dêrazorê ya Sûriyê, 6 çekdarên biyanî yên DAIŞê teslîm bûn, bi dehan sivîl jî hatin rizgarkirin.

Rewangeha Sûrî ya Mafên Mirov daye zanîn, şeva borî bi dehan sivîlên ku li derdora bajarê Dêrazorê yê Sûriyê ji aliyê çekdarên DAIŞê ve hatibûn girtin hatin rizgarkirin.

Li gorî agahiyên Rewangehê, duh her wiha 6 çekdarên biyanî yên DAIŞê jî teslîm bûn. Lê nasnameya wan nehatiye eşkerekirin.