Li Efxanistanê teqîn

Li Kapisaya wîlayeta Efxanistanê bombeya ku li kêleka rê hatibû bicihkirin teqiya. Di teqînê da 2 zarok mirin.

Midûrê Ewlehiya Kapisayê Mihemed Rezaq Yaqûbî ragihand ku li herêma Dere Tepeya girêdayî navçeya Nîcraba Kapisayê bombeya ku li kêleka rê hatibû bicihkirin teqiya. Teqîn dema ku zarok derbas dibûn pêk hat.

Yaqûbî got ku di teqînê de 2 zarok mirin, 2 zarok jî birîndar bûn. Herwiha hê kesî êriş negirtiye ser xwe. (BANGÊ ÎSLÂMİ)