Li Japonyayê hejmara kesên ku ji ber lehî û baranê mirine, gihîşt 134an, gelek kes jî wenda ne.
Ev çend roj in Japonya di nav baran û lehiyê de maye û ziyanek mezin gihîştiye hinek herêmên wî welatî bi taybet herêma Hîroşîma.
Li gorî agahiyan, heta niha 134 kes ji ber lehî û baranê mirine û 88 kes jî wenda ne û nayê zanîn sax in yan mirî ne.
Hinek rayedarên hikûmetê hişyariya şimitîna erdê dane û daxwaz ji xelkê kirine, tedbîrên xwe bigirin.
