Birûcêrdî: Bila welatên navçê peywendîyên ligel Îranê li ber çavan re derbas bikin
Serokê komsyona ewlehîya netewî û sîyaseta derve ya Îranê got: Pişt pişkdariya berfire ya gelê Îranê li hilbijartinên serokomariyê, bila welatên navçê peywendîyên ligel Îranê bi awayekî bingehîn li ber çavan re derbas bikin.
Li gorî ragihandina encamên dawîn ên dewra danzdehemîn a hilbijartina serokkomariya Îranê ku roja îniyê li Îranê û 102 welatên cîhanê hate lidarxistin, Hesen Ruhanî, berbijarê vê hilbijartinê bi bidestxistina zêde ji 23 mîlyon dengan, careka din bû serokkomarê Îranê.
Elaedîn Birûcêrdî Serokê komsyona ewlehîya netewî û sîyaseta derve ya Îranê îro li hevpeyvîna ligel kanala Xeber (IRINN) a Îranê herwiha got: Gelê Îranê bi pişkdarîya berfire li hilbijartinan, hêza xwe li hemberî wan dijminên ku fikir dikin dikarin bi boykotên aborîyê gelê Îranê bitewînin, nîşan dan.
Birûcêrdî herwiha got: Welatên rojavayî mukur tên ku pişkdarîya berfire ya gelê Îranê li hilbijartinan bê mînak e û ji sepandina şerê aborîyê ser gelê Îranê da bê hêvî bûne.
Wî bal kişand ser gazîkirina serokên 50 welatên islamî ji hêla Erebistanê bo hevdîtina ligel Donald Trumo serokomarê Amerîkayê li Rîyazê û bibîr xist: Amerîka hertim bi dû çêkirina pirsgirêkê jibo pergala Komara Islamî ya Îranê bûye lê, pişkdarîya gel li hilbijartinan hertim kiryar û komployên Amerîkayê pûç kirine.
Serokê komsyona ewlehîya netewî û sîyaseta derve ya Îranê herwiha got: Rolîstina her miletekî li rêvebirina welatê xwe xaleke zef girîng e, ji ber ku li gellek welatan milet mafê dengdayînê tineye û lidarxistina hilbijartinên wiha li Îranê derseke mezin jibo gellek welatên navçê ye. (BANGÊ ÎSLÂMİ)
