Li Urdûnê di kampa penaberan de teqîn: 4 mirî û bi 10an birîndar

Li gorî nûçeya malpera Hala Akbar, li Urdûnê di kampa herêma Rukban ku 80 hezar penaberên sûriyeyî lê diman a navbera sînorê Sûriye û Urdûnê şevê din teqînek pêk hat. Di encama teqînê 4 kesan jiyana xwe ji dest da û bi 10an kes jî birîndar bûn.

Di berdewamiya nûçêyê de hat ragihandin ku piştî teqînê di navbera grûbên çekdar û hêzên ewlehî de şer û pevçûn derketiye.

Li gorî malpereke din a urdûnî ya Al Medinayê, teqîn di encama wesayîteke bombebarkirî de pêk hatiye.

Di kampa penaber a Rukbanê de berê heman bûyerên wiha qewimîbûn, lewma li gorî berpirsên urdûnî di kampê de ji xeyrî penaberên sûriyeyî ku ji şer reviyane endamên DAIŞê jî dimînin. (BANGÊ ÎSLÂMİ)