Meşa nerazîtiya nimêjkarên Têhranê ji bo şermezarkirina cinayetên siyonîstan
Nimêjkarên beşdar li Rêûrisma Nimêja Îniyê ya Têhranê tevî lidarxistina meşeke itirazî cinayetên vê dawiyê yên li dijî misilmanan li Filistîna dagirbûyî û Miyanmarê şermezar kirin.
Li gorî rapora IRNAyê, xwenîşanderan piştî xwendina nimêja Îniyê, bi bilindkirina hin dirûşmeyan û şermezarkirna cinayetan li dijî misilmanan li Filsitîn û Miyanmarê, xwestin ku misilman li hemberî Istikbara Cîhanî bi serkirdayetiya Amerîkayê bibin yek.
Di dawiya vê xwenîşandanê da, daxûyaniyek ji bo şermezarkirina cinayetên vê dawiyê yên siyonîstan li dijî gelê bindest ê Filsitînê û kuştina bêrehmane ya nimêjkaran li Mizgefta Eqsayê her wiha kuştina misilmanên bêguneh û bêberevan ên Miyanmarê ji aliyê tundrêyên nijadperest hat xwendin.
Li vê daxûyaniyê hatiye: “Rêjîma Siyonîst ji serhildana Filsitînê û berxwedan gel ditirse û Israîl hewil dide Mizgefta Eqsayê û piştra seranserî Filsitînê bêxe bin desthilata xwe û di vê rêkê da her cûre cinayetek pêk aniye; Lê bila rayedarên Israîlê û Istikbara Cîhanî buizane ku serhildana gelê Filistînê wê heta serketina dawiyê û jinavçûna Israîlê were domandin”. (BANGÊ ÎSLÂMİ)
