Sefareta Îranê li Tirkîyê êrişa li Istenbolê şermezar kir

Sefareta Komara Islamî ya Îranê li Tirkîyê, êrişa têrorîstî ya ser gelê Istenbolê şermezar kir.

Sefareta Komara Îslamî ya Îranê li Tirkîyê îro xwe şirîkê derd û xema dewlet û gelê Tirkîyê nemaze malbatên gorîyên êrişa vê dawîyê li Istenbolê zanî û ragihand: Têkoşîna li hemberî têrorîsm û tundrêtîyê, zêdetir ji ber hewcedarê hevkarî û yêketîya welatên navçê û civaka cihanî ye.

Di daxûyanîya balyoxana Îranê li Tirkîyê da hatîye ku divê bi berfirekirina hevkarîyên navnetewî, cîhanek bêyî têrorîsm û şîdetê bê avakirinê.

Sefareta Îranê li Tirkîyê têkildarî rewşa îranîyên mexdûrê êrişa têrorîstî li Istenbolê jî ragihand ku berpirsên vê sefaretxanê û serkonsulxana Îranê li Istenbolê jibo wergirtina hûrgilîyên vê êrişê bi berpirsên têkildar ên Tirkîyê ra ketine peywendîyê.

Di encama êrişa nîvê şeva buhurî ser klûbeke şevê li bajarê Istenbolê da, 39 kes hatin kuştinê û 65 kes jî birîndar bûn. (BANGÊ ÎSLÂMİ)