Serokê Partiya Karkeran a Brîtanyayê daxwaza referandûmeke din a derbarê man an jî derketina ji Yekitiya Ewropayê kir.
Serokê Partiya Karkeran a Brîtanyayê Jeremy Corbyn dest bi hewldanên pêkanîna referandûmeke din li welat kir.
Li gor nûçeya Reutersê Jeremy Corbyn hewl dide bo referandûmeke din pêkbê û hemwelatiyên Brîtanyayê careke din nêrîna xwe derbarê man û nemana li Yekitiya Ewropayê ragehînin.
Roja 23.06.2016ê li Brîtanyayê referandûmek pêkhat û hemwelatiyên Brîtanya bersiva pirsa ‘’Gelo pêwîste Brîtanya wek endam li Yekitiya Ewropayê bimîne yan jê derkeve’’ dan. Di encama referandûmê de derket ku sedî 52 beşdarvanên ku dengdan biryara derketina ji Yekitiya Ewropayê pejirandin.
Biryare roja 29.03.2019ê Brîtanya bi temamî ji Yekitiya Ewropayê derkeve.