Berdevkê Wezareta karên derve ya Îranê, xwest ku bila Yekitiya Ewrûpayê li bara şêwaza dewama Peymana Navokî biryareke lezgîn bide.
Li gorî rapora nûçegîhanê IRIB News`ê li beşa derveyî sînoran, Behram Qasimî, Berdevkê Wezareta karên derve ya Îranê roja duşemê li civîna rojnamevaniyê tev nûçegîhanên navxweyî û biyanî li bara dewama Peymana Navokî got: Ji ber derketina neqanûnî ya Emerîkayê ji vê peymana navneteweyî, divê Yekitiya Ewrûpayê garantiyên pêwîst ji bo dabînkirina berjewendiyên Îranê bide.
Berdevkê Wezareta karên derve ya Îranê destnîşan kir: Yekitiya Ewrûpayê saziyeke mezin e bi brokrasiyeke taybet, lê ger Ewrûpa dixweze Îran di Peymana Navokî de bimîne divê eşkera û bi lezgînî hin biryaran bide.
Qasimî her wiha li bara biendîşebûna ewrûpiyan li bara bernama mûşekî û rola Îranê li navçê jî got: Komara Îslamî ya Îranê li dû ewlehî û aşitî û aramiyê li navçê ye ku bi lihevkirin û hevkariya gişt welatan serê xwe digre.
Berdevkê Wezareta karên derve ya Îranê li bersiva pirsa nûçegîhanê IRIB Newsê û hin nûçgîhanên din li bara weşandina nûçên newekhev ji Sûriyê û raghandina Rûsiyê derheq derketina hêzên biyanî ji welatê hanê got: Hizûra şiwirkarên îranî li Sûriyê ser daxwaza dewleta vî welatî bûye û armanca vê mayînê, rawestana li ber terorîzmê ye û li hevdîtinên vê dawiyê yên rayedarên Îran û Rûsiyê tu carî li bara derketina şiwirkarên îranî ji Sûriyê gotûbêj nehatiyekirin.
Berdevkê Wezareta karên derve ya Îranê li bara hevdîtina sibê sêşemê ya Donald Trump serokomarê Emerîkayê û Kîm Cûng Ûn, serokê Koreya bakurî li Sengapûrê got: Komara îslamî ya Îranê ji damezrandina aşitî û aramiyê li nîvgirava Koreyê pêşewaziyê dike, lê Koreya bakurî divê li bara Emerîkayê bi hişyarî reftarê bike ji ber ku Emerîkayê nîşan daye ku geşbîniya derheq soz û qirarê wê, şaşitî ye û bûyerên curbicur ên cîhanê vê meselê piştrast dikin.
Qasimî li bara endametiya dayim a Îranê li Rêxistina Hevkariya Şanghayê jî got: Îran wek endamê çavdêr li dû endametiya dayim li Şanghayê ye ku ev yeka hewceyî bi demeke zêdetir heye, tevî ku pêngavên baş ji bo endametiya dayim a Îranê li vê rêxistinê hatine rakirin.
Berdevkê Wezareta karên derve ya Îranê li bara lidarxistina civîna tê ya koma terorîstî ya Munafiqîn li Fransayê jî got: Munafiqîn mêjoyeke xwe ya dirêj li warê terorîzmê û kiryarên bi dijminatî li dijî gelê Îranê heye û nabe dewleta Fransayê pîvanên newekhev bikar bîne û rê bidin wan ku hin civînan li Parîsê li dar xînin.