Berteka Têhranê li hemberî buxtanên ku paşayê Erebistanê li dijî Îranê li Malezîyê hilêxistin
Berdevkê wezareta karên derve ya Îranê wekî berteka li hember daxûyaniya dawiyê ya sefera paşayê Erebistanê bo Kuwalalampûrê got: Em li bendê ne dewleta Malizyayê nekeve nav meselên ku ji hêla derûdorên tam gumanbar û jibo lawazkirina cîhana îslamê tên hilêxistin û weşandin.
Li gorî rapora Pars Todayê, Behram Qasimî, roja pênşemiyê îdia û xeysalên li bara mudaxila Îranê li karûbarên welatên navçê li nav daxûyaniya dawiyê ya sefera paşayê siûdî bo Kuwalalampûrê pûç dan zanîn û ew dewama hewldanên derew û plankirî yên Erebistanê dan zanîn.
Berdevkê wezareta karên derve ya Îranê got : Nifûz û bandora çandî ya welatekî vedigere dîrok, çand, zengînî û kevnariya medeniyeta wî û tişteke zatî, çandî û tam normal û gelanî ye û bi tu amûreke eskerî û aborî û heta siyasî bidest nakeve.
Qasimî tekez kir: Siyaseta bingehîn a Îranê wekî welatekî bibandor û aşitîxwaz, ser bingeha parastina hurmeta dualî û mudaxilenekirina li karûbarên welatên din û şopandina siyaseta cînaretiyê û hevkariya tev welatên cînar û welatên navçê û cîhanê jibo xurtkirina aramî, ewlehî û aşitiyê û rawestana li hember terorîzmê bûye û yê berdewam be jî.
Berdevkê wezareta karên derve ya Îranê herwiha diyar kir: Bêguman reftara kirêt a dewleta Malizyayê li şopandina van cure mijarên derew û pûç, komploya derûdorên siyonîst ye ku armanca wê derbelêdana li yekitiya cîhana Îslamê ye û eva qet destekê nade pêvajoya ber bi pêş a peywendiyên Îran û Malizyayê.
Qasimî destnîşan kir:Şîreta ji dil û can a Îranê li hemî welatên îslamî ji wan Malziyê ew e ku bi hişyarî û bi hûrî û kûrî rewşa navçê û cîhanê hilkolînin û nekevin nav behsên ku li dijî xala dostî û peywendiyên biaşitî yên her du welatan in.
Erebistan û Malizyayê di dawiya sefera melik Selman bo vî welatî daxûyaniyeke hevpar dan û têde li dijî Îranê tawanên pûç hilêxistin û Tehran bi mudaxila li karûbarên navxweyî yên welatên navçê tawanbar kirin. (BANGÊ ÎSLÂMİ)
