Rûhanî: Berxwedana gelê Îranê li hemberî komployên biyaniyan pêwîst e
Serokê Komara Îslamî ya Îranê gel vexwend ku bi awayekî berfireh û girseyî li meşa Yewmullaha (Roja Xwedê) 22`ê Meha Behmenê beşdar bibin û diyar kir: Di rewşa niha ya cîhanê da, pêwîst e em ku zêdetir ji berê ser armancên inqilabê û yekitiyê pêgiriyê bikin û li hember komployên biyaniyan bisekinin.
Serokê Komara Îslamî ya Îranê berêvariya sêşemiyê li civîna Konseya Bilind a Înqilaba Ferhengî got: Cihê şanaziyê ye ku li 38 salên derbasbûyî da gel bi hemen coş û germiya destpêka inqilabê hîn di meydanê ne û bi rawestan û cangorîtiya li riya cihhatina armancan ji nizama Îslamî li hember cureyên komployan berevanî kirine.
Rûhanî, Nizama Îslamî, serbixwetî, hakimiyeta neteweyî û viyana Îranê û viyana gel destkevta mezin a inqilabê da zanîn û got: Xêncî viya pêşketinên mezin ên zanistî, çandî û xizmetên civakî bo gel ji wan destkevtên tevgera Îslamî ye .
Rûhanî bal kişand ser vê yekê ku beriya inqilaba Îslamî dewleta Îranê wek amûrekê di xizmeta nizama serdestîxwaz a cîhanî bi serkirdetiya Emerîkayê tev digeriya û diyar kir: Îro rojê bi xêr û bereketa inqilaba îsalmî, Îran welatekî bihêz û biqawet, rêzdar û bibandor li alûgurên navçê û cîhanê ye .
Serokê Komara Îslamî ya Îranê bal kişand ser vê yekê ku Îmam Xumeynî (Rehmeta Xwedê lê be) bi feraset û nêrîna li pêşerojê, rênimûniya inqilaba îslamî kir û got: Nêrîn û stratejiya “Gulê li hember Gulleyê“, bû sedemku çend rojan beriya serketina inqilaba Îslamî, xebatkarên hêza hewayî bi hizûra li pêşberî Îmam Xumeynî (Rehmeta Xwedê lê be) emekdariya xwe ragihandin û vê kiryarê pişta rejîma zordariya paşatiyê şikand. (BANGÊ ÎSLÂMİ)
