Sertîp Îsmaîlî: Emê bersiveke qahêm bidine destdirêjiya dijminan
Fermandê navenda berevaniya hewayî ya Xatem Ul-Enbiyayê(s) ya artêşa Îranê got: Seranserê Îrana Îslamî tije navendên berevaniya hewayî ya artêşê ne û dê bersiva her cure destdirêjiyek dijminan ser Îranê bi tundî were dayîn.
Emîr sertîp Ferzad Îsmaîlî roja şemiyê li merasimekê serketin û geşatiya niha ya Komara Îslamî ya Îranê deyndarê xwîna şehîdên 8 salan berevaniya pîroz da zanîn û got: Li sê hezar û 700 cihên Îran navendên berevaniya hewayî ya Xatem ULEnbiyayê (s) ên artêşê hatine damezrandin û û tu teyrek jî bi qesta dstdirêjiyê nikare ji esmanê Îranê derbas bibe.
Fermandê navenda berevaniya hewayî ya Xatem Ul-Enbiyayê(s) ya artêşa Îranê bal kişand ser vê yekê ku Îran li warê berevaniyê ji van welatên herî pêşkertî ên cîhanî ye û destnîşan kir: hêz û karîna eskerî ya Îranê bi tu muzakireyekê nayê guhertin û ger dijmin tiliya xwe dayne ser maşikê, dê wisa were tenbêkirin ku ji kiryara xwe poşman bibe.
Emîr sertîp Ferzad Îsmaîlî her wiha bal kişand ser mijara derkleian Emerîkayê ji bernama hevhatina navokî û got: Emerîkayê ji destpêka rêketina navokî heya niha di vê rêketinê de nebûye û Îran qet ji ber derketina Emerîkayê ji vê rêketinê dilgiran nîne. Fermandê navenda berevaniya hewayî ya Xatem Ul-Enbiyayê(s) her wiha got: Boykotên Emerîkayê li dijî Îranê ne tenê tu bandor ser welêt nekiriye belkî viyana gelê Îranê ji berê jî xurtir kiriye.
