Sertîp Dêhqan: Ewlehiya Iraqê ewlehiya Îranê ye
Wezîrê berevanîyê yê Komara Îslamî ya Îranê, ewlehiya Iraqê hema weke ewlehiya Îranê da zanîn.
Serdar sertîp Hisêyn Dêhqan roja şemiyê li hevdîtina serleşkir Irfan El-Hiyalî wezîrê berevaniyê yê Iraqê li Têhranê got: Komara Îslamî ya Îranê yê piştgirî û hevkariyên xwe bi dewlet û gelê Iraqê re bidomîne û hemî hêzên xwe yên siyasî, aborî û eskerî yên xwe li kêleka şiyanên Iraqê jibo pêkanîna ewlehiya mayînde li vî welatî û Iraqeke biqawet bixebitîne.
Serdar sertîp Dêhqan yekperçetiya erdê û yekperçetiya neteweyî li Iraqê weke garantiya aramî û ewlehî û parastina berjewendiyên hemî qewm û etnîkên Iraqê da zanîn û destnîşan kir: Komara Îslamî ya Îranê liv û tevgerên nehevdeng li Iraqê qebûl nake.
Wezîrê berevaniyê yê Îranê herwiha bal kişand ser piştgiriya hin welatên navçê ji terorîzmê û hevkariya tev Emerîka û Rejîma Siyonîstî jibo pêkanîna bêewlehiyê li navçê û got: Divê lihevkirineke navçeyî û cîhanî li dijî terorîzmê û alîgirên wan hebe ta ku mirov bikaribe li bara kokbirrkirina terorîzmê hêvîdar bibe.
Serleşkir Irfan El-Hiyalî wezîrê berevaniyê yê Iraqê jî li vê hevdîtinê ji piştgiriyên dewlet, gel û hêzên çekdar ên Îranê ji Iraqê jibo rawestana li ber terorîzmê spasî kir û destnîşan kir: Iraq bi sekinîna ser ezmûnên berê li dû pêşerojeke geş û ronî e.
Serleşkir El-Hiyalî got ku nihêrîn, armanc û berjewendiyên hevpar ên Îran û Iraqê rewşê jibo berfirehkirina peywendiyên du welatan xweş dikin û ser berfirehkirina zêdetir a hevkariyên berevanî-eskerî yên Îran û Iraqê sekinî.
Wezîrê berevaniyê yê Iraqê siba roja şemiyê bi taximeke berevaniyê re ser deweta fermî ya wezîrê berevaniyê yê Komara Îslamî ya Îranê sefera Têhranê kir (BANGÊ ÎSLÂMİ).
