Rastgirên tundrê yên Almanyayê li xwenîşandanekê li eyaleta Zaksênê (Sachsen) li bajarê Kêmnîts (Chemnitz) li rojhilata vî welatî bi neyarên Çepgir re ketin pevçûnê.
Li gorî rapora Ajansa nûçeyan a Reutersê, hezar kes ji neraziyên Çepgir ên Almanyayê, bona nîşandayîna nerizamendiya li hember êrişa ser biyaniyên li vî welatî, roja Duşemiyê li bajarê Kêmnîtsê xwenîşandan li dar xistin û Koma Rastgir a Tundrê li vê xwenîşandanê şidet bi kar anî.
Rayedarên Almanyayê vê dawiyê ragihandin welatiyek 21 salî yê iraqî û welatiyek 22 salî yê sûrî bi tawana kêrkirina welatiyekî 35 salî yê almanî li Kêmnîtsê girtine.
Xwenîşandaneka din jî roja Yekşemiyê ji aliyê 800 kes ji Rastgirên Tundrê li Kêmnîts a Almanyayê hate lidarxistin.
Polîsê bajarê Kêmnîtsê ragihandibû ku hin welatiyên sûrî, efxan û bulxar, li dû xwenîşandana roja Yekşemiyê û kiryarên tund ên Rastgirên Tundrê birîndar bûne.
Ev xwenîşandan piştî wê pêk hat ku Şemiyê bi şev li êrişeka bi kêrê li bajarê Zaksênê yê Almanyayê, mêrek hate kuştin û sê mêrên din jî birîndar bûn.
