Terorîstan li Heleba Sûriyê çekên kîmyayî bi kar anîne
Karzanên eskerî yên Rûsiyê ragihandin ku paşmayiyên gullên neteqyayî yên madên kîmyayî nîşan dide ku grûpên terorîstî li Heleba Sûriyê çekên hanê bi kar anîne.
Li gorî rapora Russia Todayê, Îgor Konaşinkof berdevkê wezareta berevaniyê ya Rûsiyê roja înê li daxûyaniyekê ragihand ku karzanên eskerî yên Rûsiyê bi peydakirina paşmayiyên gullên madên kîmyayî yên neteqyayî gihêştine vê encamê ku grûpên terorîstî li êrişên xwe yên berdewam ser xelkê sivîl ên sûrî û navçên bin kontrola dewleta Sûriyê li Helebê çekên kîmyayî bi kar anîne. Berdevkê wezareta berevaniyê ya Rûsiyê got : Ev operasyona keşfê li navça 1070 a li derdora başûrê rojava Helebê cih hatiye. pêştir ji ber bikaraîna madên kîmyayî li êrişa ser navça 1070ê ji aliyê grûpên terorîstî du kes hatibûn kuştin û bi dehan kes jî birîndar bibûn. Li gorî vê raporê, li encama lêkolîna nimûnên cebilxanan li ceribîngehee seyar hat kivşkirin ku madên jardar ku li wan çekan hatine xebitandin kolor û fosfor bûne. Rûsiyê despêka meha Îlonê hişyarî dabû ku grûpên terorîstî renge çekên kîmyayî li dijî xelkê sivîl û artêşa Sûriyê li Helebê bikar bînin. (BANGÊ ÎSLÂMİ)
