Ukrayna têkiliyên xwe yên dîplomatîk bi Koreya Bakur re qut kir

Ukrayna têkiliyên xwe yên dîplomatîk bi Koreya Bakur re bi hinceta “pejirandina” serxwebûna Donetsk û Luhanskê qut kir.

Di daxuyanîya ku ji teref Wezareta Karên Derve ya Ukraynayê ve hat dayîn de hat ragihandin ku “Biryara naskirina “serxwebûna” herêmên Donetsk û Lûhanskê yên ku Rûsyayê ji teref Koreya Bakur ve hatine dagirkirin bi tundî tê şermezarkirin.

Di daxuyaniyê de hat destnîşankirin ku hewldana Pyongyangê ya li dijî serwerî û yekparçeyiya axa Ukraynayê, binpêkirineke giran a Peymana Neteweyên Yekbûyî û pîvan û prensîbên bingehîn ên hiqûqa navneteweyî ye.

Hat diyarkirin ku li hember kiryareke nedostanî têkiliyên dîplomatîk ên bi Koreya Bakur re qut bûne.

Serokê Ukraynayê Volodymyr Zelenskiy di daxuyaniya xwe ya li ser hesabê xwe yê Telegramê de got ku ew ê “di her astê de bi tundî bersiva biryara Koreya Bakur bidin.”