Teqîna li rojhilata parêzgeha Diyale ya Iraqê
Çavkaniyên xwecî yên Iraqê ragihandin ku di encama teqîna bombeyekê li rojhilata parêzgeha Diyalê de du kes hatin kuştin û sê kesên din jî birîndar bûn.
Li gorî rapora rojnameya înternetî ya El Sûmeriye News a Iraqê, çavkaniyeka xwecî ya li parêzgeha Diyalê ragihand: Sibeha îro şemiyê dema derbasbûna trombîlekê li navçeya El Dayniye (li 45 kîlometriya rojhilata Beqûbê) bombeyek ku li ser cadê hatibû danîn teqiya û di encama wê de du kes hatin kuştin û sê kesên din jî birîndar bûn.
Hêzên iraqî li dewama pevçûnên giran ên bi DAIŞ`ê jibo azadkirina taxa El Risale li rojavaya Mûsilê hewl didin. Hêzên polîsê fêdêral ê Iraqê jî xelkê ji du navçeyên din ên bajarê Mûsilê li bakurê vî welatî derxistin. Polîsê fêdêral ê Iraqê xelkê aware ji navçeya Bab El Tewbê û Bab El Beyzê li beşa kevnar a bajarê Mûsilê, veguhestin beşa Karaj aBexdayê û rawestgeha trenê ya Mûsilê.
Serleşker Raêd Şakir Cewdet, fermandeyê polîsê fêdêral ê Iraqê berî niha gotibû, yekîneyên polîsê fêdêral, bazara El Erbia û sîloya navenda li beşa kevna ra bajarê Mûsilê girtine destê xwe.
Cewdet herwiha got: Hêzên berteka lezgîn û polîsê fêdêral li operasyoneka ji nişkêveyî, endamên DAIŞ`ê li beşa kevnar a bajarê Mûsilê dorpêç kirin û 13 kes ji wan kuştin. (BANGÊ ÎSLÂMİ)
